حوار بين قلبى وعقلى ....

الحوار ده انا قعدت فيه كتير اوى .. لكن انا هكتب اللى انا فاكره ..

عقلى : خلاص بقى هو انت لسه بتحبها ؟؟؟

قلبى : ايوه لسه بحبها ...

عقلى : ياعم هو اللى خلقها ما خلقش غيرها ؟؟

قلبى : ايوه انا مشوفتش غيرها ...

عقلى : فيه احسن منها كتير ....

قلبى : بس انا عايزها هيا ...

عقلى : كان فيها عيوب ...

قلبى : كانت احسن ميزه فيها هيا عيوبها ..

عقلى : مكنتش بتحبك أد ما انت بتحبها ..

قلبى : كفايه انى كنت بحبها ...

عقلى : بس دى سابتك ...

قلبى : غصب عنها ...

عقلى : بس دى بقت لحد غيرك ...

قلبى : بس انا لسه بحبها ..

عقلى : بس مستحيل تبقى ليك ...

قلبى : عارف ... بس مش بإيدى ...

عقلى : بس بإيدى ....

قلبى : لو كان فى ايدك حاجه اعملها ..

عقلى : هنساها ..

قلبى : مش انت اللى تقرر .. نسيانها يبدأ من عندى ..

عقلى : لو شغلت نفسك بحاجه تانيه هتنساها ..

قلبى : انت اللى هتنشغل مش أنا ..

عقلى : لو حبيت غيرها هتنساها ..

قلبى : اللى يحبها ... صعب يحب غيرها ...

ويستمر الحوار .. والى الان .. تتمزق روحى بين قلبى وعقلى ...

واتمنى فوز عقلى .. وعدم انهزام قلبى ..